11 ноя 10:34
Янгиликлар

Теннис

Коко Гофф Якуний WTA турниридан қанча гонорар ишлаб олди?

Америкалик 20 ёшли теннисчи Коко Гофф Ар-Риёдда якунланган WTA Якуний турнирида бош совринни қўлга киритганди.

Америкалик иқтидор эгасига бу чемпионлик деярли 5 млн доллар мукофот пули келтирди. Аниқроғи, дунёнинг учинчи ракеткаси банкдаги ҳисоб рақамини 4 миллион 805 минг АҚШ долларига бойитиб олди. Бу WTA турнирлари учун рекорд сумма ҳисобланади.

Умуман олганда, Гофф бу йилги мавсумда турнирлардаги иштирокидан 9,35 млн доллар ишлаб олди. Унинг фаолиятидаги мукофот пуллари эса 21,5 млн доллардан кўпроқни ташкил қилади. WTA Finals финалчиси хитойлик Чжэн Циньвэнь эса Якуний турнирдаги иштироки учун 2 миллион 305 минг долларга эга чиқди.