13 июн 09:06
Янгиликлар

Бокс/ММА

Конор Макгрегор ва Макс Холлоуэй иштирокидаги UFC 329 турнирининг расмий постери эълон қилинди + ФОТО

UFC матбуот хизмати роппа-роса бир ойдан кейин ўтказиладиган рақамланган UFC 329 турнирининг расмий постерини намойиш қилди.

12 июль куни Лас-Вегас (Невада, АҚШ) шаҳрида бўлиб ўтадиган оқшомнинг асосий жангида ярим енгил ва енгил вазн тоифасида собиқ UFC чемпиони ирландиялик Конор Макгрегор 66 кг вазнда собиқ UFC чемпиони америкалик Макс Холлоуэйга қарши октагонга чиқади.

Конор 2021 йил июль ойидан бери жанг қилмаган, ўшанда у UFC 264 турнири доирасидаги жангнинг биринчи раундида техник нокаут (оёқ жароҳати) билан енгил вазн тоифасида собиқ UFC вақтинчалик чемпиони америкалик Дастин Порьега ютқазган эди. Унинг профессионал рекордида жами 22 та ғалаба ва олтита мағлубият бор.

Бу икки аралаш яккакураш устасининг илк жанги 2013 йилнинг август ойида ўтказилган бўлиб, ўшанда Конорнинг ғалабаси билан якунланган эди. Макгрегор ҳакамларнинг якдил қарори билан зафар қучганди.

Макс 34 ёшда. Холлоуэй профессионал дебютини 2010 йил сентябрь ойида ўтказган. Унинг аралаш яккакурашлар бўйича 27 та ғалабаси бор, улардан 14 таси муддатидан олдин қўлга киритилган, мағлубиятлари сони тўққизта.

Қизиқ маълумот, турнир учун мўлжаллаган чипталар сотуви 240 сония давом этганди. Бу UFC'нинг мутлақ рекорди ҳисобланади. Чипталарнинг энг арзони 1200 АҚШ долларини ташкил этганди.