20 окт 08:59
Янгиликлар

Теннис

"Кремль Кубоги". Елена Остапенко баҳсни якунига етказа олмади

Россия пойтахти Москва шаҳрида теннис бўйича нуфузли WTA турнири давом этмоқда.

Сайёрамизнинг 30-ракеткаси, латвиялик Елена Остапенко турнирнинг илк давра учрашувини якунига етказа олмади. Елена германиялик Андреа Петковичга қарши кечган баҳсни учинчи сетнинг иккинчи геймидан сўнг тўхтатишга мажбур бўлди. Бу пайтга келиб у рақибасига 6/2, 0/6, 0/2 ҳисобларида ютқазаётганди.

Остапенко боши айланиб, ўзини ёмон ҳис қила бошлаган. Теннисчиларнинг ўзаро учрашувларидаги ҳисоб мувозанати тикланди - 2:2. Энди WTA рейтингида 79-поғонадан жой олиб турган 34 ёшли Петкович иккинчи давра учрашувида эстониялик Анетт Контавейтга қарши кортга чиқади.