12 июл 11:23
Янгиликлар

Теннис

Крейчикова - "Уимблдон"нинг иккинчи финалчиси!

Дунёнинг тўртинчи ракеткаси Елена Рибакина теннис бўйича "Катта Дубулға" туркумига кирувчи Уимблдон турнирининг 1/2 финалида ўз юришини тўхтатди.

Қозоғистонлик теннис маликаси WTA рейтингида 32-поғонада бораётган чехиялик Барбора Крейчиковага уч сет натижасига кўра имкониятни бой бериб қўйди - 6/3, 3/6, 4/6. Барбора Елена ноқулай рақиб бўлиб қолмоқда. Теннисчиларнинг ўзаро учрашувларидаги ҳисоб йириклашди - 3:0.

Икки соату 9 дақиқа давом этган баҳсда Рибакина 8, Крейчикова 4 та эйс зарбасини ижро этган. Қўшхатолар Барборада икки баробар кўпроқ бўлди - 6 га 3. Брейклар бўйича устунлик ҳам чехиялик теннисчи томонда бўлди - 4 га 3!

Крейчикова фаолиятида иккинчи бор "Катта Дубулға" турнири финалида ўйнайди. У 2021 йилда "Ролан Гаррос" бош совринини қўлга киритганди. Чехиялик янгиланадиган рейтингда Топ-15`га қайтади. Унинг финалдаги рақибаси италиялик Жасмине Паолини бўлади.