31 окт 12:34
Янгиликлар

Футбол

Кроос фаолиятида илк бор қизил карточка олди

Испания чемпионати 12-туридан ўрин олган учрашувда "Реал" жорий мавсум иккинчи бор очко йўқотди – ўз майдонида "Жирона"ни мағлуб эта олмади.

Биринчи йўқотиш "Осасуна"га қарши ўйинда юз берганди (1:1).

"Реал" очколардан ташқари Тони Кроосни ҳам бой берди – германиялик ярим ҳимоячи иккита сариқ карточка олиб, майдондан четлатилди. Улардан кейин олинган қизил карточка Кроос фаолиятидаги биринчиси бўлди – 32 ёшли футболчи бунгача ҳеч қачон майдондан четлатилмаганди.

Испания чемпионатининг навбатдаги, 13-турида Мадриднинг "Реал" клуби сафарда "Райо Вальекано" билан баҳс олиб боради. Ушбу учрашув 7 ноябрь куни бўлиб ўтади.