27 янв 09:17
Янгиликлар

Теннис

Кудерметова Маниладаги WTA 125 турниридаги иштирокини бошлади

Филиппин пойтахти Манила шаҳрида теннис бўйича мукофот жамғармаси 115 000 АҚШ долларини ташкил этувчи WTA 125 тоифасига кирувчи турнир бўлиб ўтмоқда.

Ушбу турнирда мамлакатимизнинг учинчи ракеткаси Полина Кудерметова ҳам иштирок этяпти. Ҳамюртимиз илк даврада саралаш баҳслари ғолибаларидан бири япониялик Миҳо Курамочига қарши кортга чиқди. Бир соату 29 дақиқа давом этган учрашувда Полина 6/3, 7/5 ҳисобида ғалаба қозонди.

Таққослаш учун, Кудерметова WTA рейтингида 150, Курамочи эса 364-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Эртага Полина 1/8 финалда таиландлик Ланлана Тарарудига қарши баҳс олиб боради. WTA рейтингида 131-поғонани эгаллаб турган Ланлана 1/16 финалда дунёнинг 87-ракеткаси, турнирда 7-рақам остида сараланган швейцариялик Симона Уолтерсни 6/2, 3/6, 6/2 ҳисобида таслим этди.