Кураш. Еттита вазнда жаҳон чемпионлари аниқланди, бизда 9 та медал!

Кеча мусобақанинг илк куни эркаклар ўртасида 60, 66, 73, хотин-қиз курашчилар орасида эса 48, 52, 57 ҳамда 63 кг вазн тоифаларида ғолиб ва совриндорлар номи маълум бўлди.

Қизлар ўртасида ҳамюртларимиздан Моҳинур Мўминова (48 кг), Гулнор Сулаймонова (52 кг), Дилдор Шерметова (57 кг) барча рақибларини мағлуб этиб, жаҳон чемпионига айланишди. Ойсулув Абдумажидова, Амангул Алланазарова ва Моҳинур Пирназарова кумуш медалга сазовор бўлишди.  

Эркаклар ўртасидаги баҳсларда 66 кг вазнда Шаҳрам Аҳадов ва 73 кг вазн тоифасидаги Давлат Абраев жаҳон чемпионатининг олтин медали билан тақдирланишди. Финалда Абраевга ютқазган Муҳриддин Қурбонов кумуш медални қўлга киритди.

Шу тариқа, жаҳон чемпионатининг илк куни ўзбекистонлик курашчилар 5 та олтин, 4 та кумуш, жами 9 та медалга эга бўлишди. Бу билан полвонларимиз ҳозирча умумжамоа ҳисобида биринчи ўринни эгаллаб туришибди.  

Кечаги барча ғолиб ва совриндорлар: (Аёллар)

48 кг

1. Моҳинур Мўминова (Ўзбекистон)

2. Микаэла Уайтбул (ЖАР)

3. Зарина Сапарова (Tуркманистон)

3. Шогик Цатурян (Россия)

52 кг

1. Гулнор Сулаймонова (Ўзбекистон)

2. Ойсулув Абдумажидова (Ўзбекистон)

3. Катерина Черти (Украина)

3. Хуи Шен Ксяао (Хитой Тайпейи)

57 кг

1. Дилдор Шерметова (Ўзбекистон)

2. Амангул Алланазарова (Ўзбекистон)

3. Женита Кросс (ЖАР)

3. Меҳрибон Қурбонова (Туркманистон)

63 кг

1. Ван Тинг Ли (Хитой Тайпейи)

2. Моҳинур Пирназарова (Ўзбекистон)

3. Гулшат Насирова (Туркманистон)

3. Жасмин Мартин (ЖАР)

Эркаклар. 60 кг

1. Суюндик Жуманов (Қозоғиситон)

2. Шамуҳаммет Қурбонов (Туркманистон)

3. Беҳзад Ваҳдани (Эрон)

3. Чиҳан Озайя (Туркия)

66 кг

1. Шаҳрам Аҳадов (Ўзбекистон)

2. Ғанбарали Ғанбари (Эрон)

3. Марат Оразов (Туркманистон)

3. Эркин Омурзаков (Туркманистон)

73 кг

1. Давлат Абраев (Ўзбекистон)

2. Муҳриддин Қурбонов (Ўзбекистон)

3. Бегенч Балтаев (Туркманистон)

3. Тараз Лозинский (Украина)