Кураш. Жаҳон чемпионатида 21та медал қўлга киритилди, 10таси олтин!

Кеча мусобақанинг сўнгги куни эркаклар ўртасида 81, 90, 100 ҳамда энг оғир +100 кг, аёлларда эса 70, 78, 87 ва +87 кг вазн тоифаларида ғолиб ва совриндорлар номи маълум бўлди.

Қизлар ўртасида ҳамюртларимиздан Кумуш Йўлдошева (78 кг) ва Раҳима Йўлдошева (87 кг) барча рақибаларини мағлуб этиб, жаҳон чемпионига айланишди. Малоҳат Рўзиева (87 кг) кумуш медалга сазовор бўлди. Гулмира Исматова ва Гавҳар Худойқулова (иккиси ҳам 70 кг), Мафтуна Эсонова (78 кг), Рината Илматова ҳамда Бегам Бойимова (иккиси ҳам +87 кг) бронза медали билан тақдирланишди.

Эркаклар ўртасидаги баҳсларда эса Камолиддин Расулов (81 кг), Шуҳратжон Арслонов (90 кг) ва энг оғир вазндаги Муҳсин Ҳисомиддинов (+100 кг) жаҳон чемпионатининг олтин медалини қўлга киритишди. Илҳом Жўраев эса (100 кг) кумуш медалга сазовор бўлди.

Шу тариқа, жаҳон чемпионати якунларига кўра ўзбекистонлик курашчилар 10 та олтин, 6 та кумуш, 5 та бронза, жами 21 та медални қўлга киритиб, умумажамоа ҳисобида биринчи ўринни эгаллашди.

Кечаги барча ғолиб ва совриндорлар: (Аёллар)

70 кг вазн тоифаси

1. Нуржан Йилмаз (Туркия)

2. Ольга Захарцова (Россия)

3. Гулмира Исматова (Ўзбекистон)

3. Гавҳар Худойқулова (Ўзбекистон)

78 кг

1. Кумуш Йўлдошева (Ўзбекистон)

2. Александра Власова (Россия)

3. Ксиен-Цу Янг (Хитой Тайпейи)

3. Мафтуна Эсонова (Ўзбекистон)

87 кг

1. Раҳима Йўлдошева (Ўзбекистон)

2. Малоҳат Рўзиева (Ўзбекистон)

3. Чантеле Вессер (ЖАР)

+87 кг

1. Надежда Еремеева (Россия)

2. Белкис Кайя (Туркия)

3. Рината Илматова (Ўзбекистон)

3. Бегам Бойимова (Ўзбекистон)

Эркаклар. 81 кг

1. Камолиддин Расулов (Ўзбекистон)

2. Даянч Омиров (Туркманистон)

3. Чун-та Хуанг (Хитой Тайпейи)

3. Гиорги Канкава (Грузия)

90 кг

1. Шуҳратжон Арслонов (Ўзбекистон)

2. Ҳамед Рашиди (Эрон)

3. Заманимоғаддам (Эрон)

3. Ю-Ксюан Лу (Хитой Тайпейи)

100 кг

1. Тенторе Масманидис (Греция)

2. Илҳом Жўраев (Ўзбекистон)

3. Ким Жеонг Ву (Жанубий Корея)

3. Худайберди Жумаев (Туркманистон)

+100 кг

1.Муҳсин Ҳисомиддинов (Ўзбекистон)

2. Жаффар Паҳлевани (Эрон)

3. Рази Сафаров (Озарбайжон)

3. Димитриос Цоумитас (Греция)