Кутиб олинг, #уйдақол! # ҳаётгақўшил! челленжи қайтмоқда

Ўзбекистон Республикаси Жисмоний тарбия ва спорт вазирлиги карантин даврида юртдошларимиз орасида уй шароитида жисмоний тарбия ва спорт билан фаол шуғулланишни кенг тарғиб қилиш мақсадида яна #уйдақол! #ҳаётгақўшил! челленжини ўтказишга қарор қилди. Челленжда қатнашиш орқали сиз нафақат ўз саломатлигингизни мустаҳкамлайсиз, балки қимматбаҳо совғаларни ютиб олишингиз мумкин.

Бунинг учун сиз:

1) уйда оила аъзоларингиз билан бирга бадантарбия ва спорт машқларини бажаринг ҳамда уни видеога олган ҳолда ўзингизнинг ижтимоий тармоқлардаги саҳифаларингиз (Facebook, Instagram)га жойланг;

2) Ушбу видеони Жисмоний тарбия ва спорт вазирлигининг ижтимоий тармоқлардаги расмий саҳифалари (facebook.com/www.sport.uz, instagram.com/minsportuz)га улашинг.

Видеороликларни баҳолашда қуйидаги мезонларга эътибор қаратилади:

тақдим этилган видеороликда танлов иштирокчиси ёки унинг оила аъзолари уй шароитида спорт билан шуғулланиш жараёни акс этганлиги;

уйда спорт билан шуғулланиш жараёнига креатив ёндашуви;

видеороликнинг сифати;

иштирокчи(лар) уйда қолиб спорт билан шуғулланишга даъват этган (чақириқ) бўлиши;

видеороликлар 3 дақиқадан ошмаслигига эътибор қаратилади.

Челленжга жорий йил 3 августдан қайта старт берилиб, то 27 декабрга қадар давом этади ҳамда ғолиблар ҳар ҳафта аниқланиб, тақдирлаб борилади.

#уйдақол! #ҳаётгақўшил! челленжида фаол иштирок этинг ҳамда совғаларни қўлга киритинг.