#уйдақол #ҳаётгақўшил #sportchallenge челленжида бу сафар кимлар ғолиб бўлишди?

Бугун ушбу танловнинг иккинчи фасл 1-турига якун ясалди.

28 апрелдан 3 майгача давом этган челленжнинг 1-турига юртдошларимиз томонидан мингга яқин видеоматериал келиб тушди. Ҳакамлар ҳайъати қарорига кўра, танловда бу сафар ғолиблар қуйидагича кўриниш олди:

1-ўрин: Тошкент шаҳри Сергели туманида истиқомат қилувчи Узакбергеновлар оиласи;

2-ўрин: Тошкент шаҳри Миробод туманида яшовчи Ҳотамқуловлар оиласи;

3-ўринга бирйўла иккита видеоролик лойиқ кўрилди. Уларнинг дастлабкиси Ўзбекистон паралимпия терма жамоаси аъзоси, қашқадарёлик Убайдулло Имомқулов бўлди.

Челленжда ўзига хос ёндашув билан қатнашган Наманган шаҳар 1-сонли болалар ва ўсмирлар спорт мактаби жамоаси видеоролиги ҳам 3-ўринга муносиб кўрилди.

Азиз юртдошлар, #уйдақол #ҳаётгақўшил #sportchallenge челленжининг иккинчи фасли якун топишига саноқли кунлар қолди. Шундай экан, танловда иштирок этишга шошилинг. Ахир карантинда совға олиш нақадар ёқимли.

Жисмоний тарбия ва спорт вазирлиги Матбуот хизмати