10 мар 09:49
Янгиликлар

Теннис

Кузнецова ўзидан 10 ёш кичик Свитолинани мағлуб этди

Дунёнинг бешинчи ракеткаси бўлиб турган Элина Свитолина Дубайда давом этаётган турнирдаги иштирокини якунлади.

Украиналик теннис маликаси мусобақанинг иккинчи даврасида рейтингнинг 41-поғонасидан жой олиб турган россиялик Светлана Кузнецовага имкониятни бой бериб қўйди. Бир соату 52 дақиқа давом этган баҳсда 35 ёшли Кузнецова 2/6, 6/4, 6/1 ҳисобларида ғалаба қозонди.

Энди Кузнецова Dubai Duty Free Tennis Championships турнирининг учинчи босқичида чехиялик Барбора Крейчиковага қарши кортга чиқади.