Лагно жаҳон тожи учун яқин, уни бундан битта ғалаба ажратиб турибди

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Бугун жаҳон чемпионатининг ҳал қилувчи финал учрашувида учинчи партия ўйналади. Амалдаги жаҳон чемпиони хитойлик Жу Вен Жун бугунги партия олдидан россиялик Катерина Лагнога 0,5:1,5 ҳисобида имкониятни бой бермоқда. 

Финалнинг илк партиясида дуранг натижа қайд этилганди. Кеча Лагно оқ доналарда ҳаракат қилди ва 59-юришдан кейиноқ амалдаги жаҳон чемпионини мағлуб этди. Бугун учинчи партия ўйналади. Агар бугун ҳам Катерина ғалаба қозонса, муддатидан аввал жаҳон чемпионига айланади. 

Финал учрашуви тўртта партиядан иборат бўлиб, жаҳон чемпионлиги учун камида икки ярим очко жамғариш керак бўлади. Агар 4та партиядан кейин ҳисоб 2:2 кўринишига келиб қолса, у ҳолда жаҳон тожи соҳибасини ҳал қилувчи тай-брек аниқлаб беради. 

Эслатиб ўтамиз, амалдаги жаҳон чемпиони чорак финалда юртимиз шарафини ҳимоя қилган вакиламиз Гулруҳбегим Тоҳиржоновани қийинчилик билан тай-брекда 1,5:0,5 ҳисобида таслим эта олганди.