16 окт 10:53
Янгиликлар

Теннис

Лейла Фернандес Гонконгни забт этди

Гонконгда теннис бўйича ўтказилаётган WTA турнири канадалик теннис маликасининг ғалабаси билан ниҳоя топди.

Prudential Hong Kong Tennis Open турнири бош соврини дунёнинг 60-ракеткаси бўлиб келган Лейла Фернандесга насиб этди. У ҳал қилувчи финал учрашувида WTA рейтингида 85-поғонадан жой олган чехиялик Катержина Синяковани 3/6, 6/4, 6/4 ҳисобларида мағлубиятга учратди.

Бу теннисчиларнинг ўзаро ўтказган илк учрашуви эди. Икки соату 39 дақиқа давом этган баҳсда Фернандес 3, Синякова 7 та эйс зарбани амалга оширди. Брейклар иккала теннисчида ҳам 5 тадан бўлди. Қўшхатолар Лейлада кўпроқ бўлди - 4 га 2. Prudential Hong Kong Tennis Open турниридаги муваффақиятли иштирок Фернандесга 280 рейтинг очкоси ҳамда 34,228 доллар мукофот пули келтирди. Бу унинг фаолиятидаги учинчи соврин бўлди.