WTA рейтинги. Иккинчи ракеткамиз ўзгарди, етти нафар теннисчимиз кўтарилди

Янгиланган рейтингда теннисчиларимиздан биргина Мария Тимофеева пастлаган. У 17 поғонага пастлаб, иккинчи ракетка мақомини Полина Кудерметовага топширди. Полина 11 ўринга юқорилади ва айнан у энди Ўзбекистоннинг иккинчи ракеткаси. Биринчи ракеткамиз Камилла Раҳимова ўз ўрнида (93) қолди. Лайма Владсон 4, Влада Якшибарова 7, Милана Масленкова 12, Севиль Юлдашева 13, Нигина Абдураимова 5, Диана Яковлева 9 ўринга кўтарилган. 

Дунё теннисчиларининг Топ-10`талигида Австралия Очиқ чемпионати натижалари асносида ўзгаришлар кузатилди. Мусобақа чемпионлигини қўлга киритган қозоғистонлик Елена Рибакина 5-поғонадан 3-ўринга юқорилади. Америкалик Коко Гофф аксинча, 3-ўриндан 5-поғонага тушди. Ярим финалга қадар етиб келган украиналик Элина Свитолина Топ-10`га кириб олди. Швейцариялик Белинда Бенчич ҳам бир поғонага ўрнини яхшилаб олди. Рейтингда ҳамон беларуслик Арина Соболенко катта фарқ билан пешқадамлик қилмоқда. У Australian Open финалида Рибакинага ютқазиб қўйганди. Иккинчи ўриндан польшалик Ига Свёнтек жой олган. 

WTA рейтинги. 2 февраль кунги ҳолат:

1 (1). Арина Соболенко (Беларусь) — 10 990 очко.

2 (2). Ига Свёнтек (Польша) — 7978.

3 (5). Елена Рибакина (Қозоғистон) — 7610.

4 (4). Аманда Анисимова (АҚШ) — 6680.

5 (3). Кори Гауфф (АҚШ) — 6423.

6 (6). Жессика Пегула (АҚШ) — 6103.

7 (7). Мирра Андреева (Россия) — 4731.

8 (8). Жасмин Паолини (Италия) — 4267.

9 (10). Белинда Бенчич (Швейцария) — 3342.

10 (12). Элина Свитолина (Украина) — 3205.

11 (11). Екатерина Александрова (Россия) — 2983...

Ўзбекистонлик теннисчиларнинг WTA рейтингидаги ўрни:

93 (93). Камилла Раҳимова – 802

139 (150). Полина Кудерметова – 533

155 (138). Мария Тимофеева – 463

880 (884). Лайма Владсон – 30

1066 (1073). Влада Якшибарова – 16  

1188 (1200). Милана Масленкова – 11 

1242 (1255). Севиль Юлдашева – 9

1395 (1400). Нигина Абдураимова – 5  

1481 (1490). Диана Яковлева – 3