Камилла Раҳимова 36 яшар дунёнинг 36-ракеткасига қарши кортга чиқди

Мусобақанинг мукофот жамғармаси 283 347 АҚШ долларини ташкил қилади. Раҳимова илк даврада руминиялик Сорана Кирстяга қарши кортга чиқди. Апрель ойида 36 ёшга тўладиган тажрибали тезбон теннисчи турнирда учинчи рақам остида таснифланган. 

Афсуски, 101 дақиқа давом этган учрашувда Сорана ўз ватандошлари қўллаб-қувватлаши остида Камилладан устун келди - 6/4, 6/4. Кирстя аёл теннисчиларга унчалик хос бўлмаган тарзда 14 та эйс зарбасини амалга оширган. Раҳимовада бу кўрсаткич 2 тани ташкил этди. Қўшхатолар вакиламизда кўпроқ бўлди - 5 га 1. Бу теннисчиларнинг ўзаро ўтказган учинчи учрашуви эди - 3:0.     

Энди Камилла Раҳимова бор эътиборини жуфтликдаги иштирокига қаратади. У бугун испаниялик Тормо Соррибес билан жуфтликда Хитой Тайпейи вакилаларига қарши баҳс олиб боради.