31 дек 10:41
Янгиликлар

Шахмат

Магнус Карлсен - блиц йўналишда жаҳон чемпиони!

Классик шахмат бўйича амалдаги жаҳон чемпиони норвегиялик Магнус Карлсен блиц йўналишида ҳам жаҳон чемпионига айланди.

Карлсен Саудия Арабистони пойтахти Ар-Риёд шаҳрида якунланган жаҳон чемпионатининг блиц йўналишидаги баҳсларда 21 имкониятдан 16 очко жамғариб, дунёнинг энг кучли шахматчисига айланди.

Ғолибдан 1,5 очкога ортда қолиб кетган россиялик Сергей Карякин кумуш медални қўлга киритди. Шунча очко жамғарган ҳиндистонлик Вишванатан Ананд қўшимча кўрсаткичларга кўра учинчи ўринни эгаллади.