Магнус Карлсен жаҳон чемпионлик тожини ўзида сақлаб қолди

Амалдаги жаҳон чемпиони норвегиялик Магнус Карлсен даъвогар гроссмейстер, россиялик Сергей Карякин билан ҳал қилувчи тай-брекда дона суришди.

Тай-брек олдидан томонлар 6:6 ҳисобидаги дуранг натижа қайд этиб туришганди. Тай-брекнинг дастлабки икки партиясида ҳам ғолиб аниқланмади.

Учинчи ва тўртинчи партияларда ғалаба қозонган Карлсен матчни ўз фойдасига ҳал қилиш баробарида жаҳон чемпионлик тожини ҳам ўзида сақлаб қолди.

ЖАҲОН ЧЕМПИОНЛИГИ УЧУН МАТЧ

Нью-Йорк, АҚШ.

Тай-брейк

Сергей Карякин (Россия) – Магнус Карлсен (Норвегия) – 0,5:0,5; 0,5:0,5; 0:1; 0:1

Якуний ҳисоб– 6:6 (“классика”), 1:3 (тай-брейк, рапид)