10 дек 22:17
Янгиликлар

Шахмат

Магнус Карлсен Непомняшийни мағлубиятга учратиб, жаҳон тожини ўзида сақлаб қолди

Норвегиялик гроссмейстер Магнус Карлсен жаҳон чемпионлиги учун баҳснинг 11-партиясида Ян Непомняшийни мағлубиятга учратди.

Баҳс тугашига уч партия қолганида норвегиялик шахматчи 7,5 : 3,5 ҳисоблари орқали ғалабани нақд қилиб қўйди. 11 партия якунига кўра Карлсен 4 маротаба ғалаба қозонди ва 7 та дуранг қайд этилди.

Магнус Карлсен 2013 йилда Вишванатан Анандни мағлубиятга учратганидан буён жаҳон чемпиони ҳисобланади.

Кейин эса у Ананднинг ўзи, россиялик Сергей Карякин ва италиялик Фабиано Каруанадан ўз унвонини ҳимоя қилганди.