30 дек 17:58
Янгиликлар
Шахмат
Магнус Карлсен рапиддан кейин блицда ҳам жаҳон чемпиони бўлди
Бироз аввал Қозоғистоннинг Алмати шаҳрида шахматнинг рапид ва блиц йўналишлари бўйича ўтказилаётган жаҳон чемпионати ўз якунига етди.
Сўнгги 21-турда амалдаги жаҳон тождори норвегиялик Магнус Карлсен рапид бўйича экс-жаҳон чемпиони Нодирбек Абдусатторовни мағлубиятга учратди ва 16 очко билан блиц, яъни тезкор шахматда ҳам жаҳон чемпиони бўлди.
Америкалик Хикару Накамура 15 очко билан қўшимча кўрсаткичларга кўра иккинчи ўринни эгаллади. Шунча очко жамғарган арманистонлик гроссмейстр Хаик Мартиросян кучли учликка якун ясади.
Ўзбекистонлик шахматчилар орасидан энг яхши натижани Нодирбек Абдусатторов қайд этди. Рейтинги энг юқори гроссмейстеримиз дунёнинг 176 шахматчиси орасида 13 очко билан қўшимча кўрсаткичларга кўра 19-ўринни эгаллади. 15-поғонадаги америкалик Фабиано Каруанада ҳам 13 очко бор.
Ҳавола :
Манба : olamsport.com
Фикрлар