Маҳмуд Мурадов "Asian Fight"дан гонорар олмади, лекин...ўз ваъдасида турди!

"Мана бугун ваъдамга биноан Бухородаги болалар уйига ташриф буюрдим. Аввалроқ "Asian Fight-2017" турниридан олган гонораримни болалар уйига хайрия қилишга ваъда бергандим. Мен доимо сўзимда тураман.

Ниҳоят мен шу ердаман ва ушбу болакайларга ёрдам бериш имкониятим борлигидан хурсандман. Улар ҳақиқатдан ҳам ғамхўрлигимизга ва эътиборимизга муҳтождир.

Шуни айтиб ўтишни истардимки, "Asian Fight" учун мен бир тийин ҳам олганим йўқ. Лекин, мен ваъда қилган нарсамни бажардим. Бундай ишларни яна узоқ йиллар давомида қилмоқчиман.



Агар одамга ёрдам керак бўлса уларга ёрдам бериш керак. Менга доимо шундай ўргатишган: "Агар савоб иш қилсанг, Худо сенга икки баробар қилиб қайтаради. Мен билан ҳам шундай бўлди. Мен муҳтожларга ёрдам беришга ҳаракат қилдим. Худо мени янада кўпроқ мукофотлади.

Мен қилган ишимни айтиб мақтанмоқчи эмасман. Аҳир орамизда кўпчилик бундай ишларни қила олади. Менга ишонинг, бу болаларнинг кўзидаги қувончни кўрсам, кучимга куч қўшилади. Уларга нисбатан бефарқ бўлманг. Савоб иш қилинг", - дея хабар қолдирган Маҳмуд Инстаграмдаги саҳифасида.