Маҳмуд Мурадов Европадаги сўнгги жангини ўтказди

Ушбу жанг О2 аренасида ўтказилиб, Мурадов XFN чемпионлик камари учун октагонга кўтарилди. Ҳамюртимизнинг рақиби чехиялик Томас Пенц бўлди. Маҳмуд Мурадов бу жангни муддатидан аввал якунлади.

Ҳамюртимиз партер ҳолатида Пенцга кетма-кет кучли зарбалар ёмғирини ёғдирди. Бу ҳолатда рефери жангни тўхтатишдан ўзга чора топа олмади. Шу тариқа, Маҳмуд Мурадов Чехиядаги сўнгги жангида ажойиб ғалабага эришди. Энди ҳамюртимиз ўз фаолиятини АҚШда давом эттиради.