09 апр 17:09
Янгиликлар

Бошқалар

Мамлакат чемпионатида кучлилар сараланди

6-8 апрель кунлари пойтахтимиздаги Ўзбекистон таэквондо WTF федерациясига қарашли “Универсал” спорт мажмуаси мезбонлик қилган мамлакат чемпионати кучлиларни саралади.

Уч кун давомида 5 ёшдан 50 ёшгача ва ундан катта бўлган иштирокчилар таолу, яъни кўргазмали чиқиш беллашувларида ўзларини кўрсатишган бўлса, 10 ёшдан 18 ёшгача ва ундан катта бўлган иштирокчилар санъшоу жангларида ўзаро рақиб бўлишди.

Таолуда Хонзода Абдуллаева, Камола Усмонова, Зиннура Саидова, Зиёда Раҳматжонова, Фарруха Усмонова, Гулчирой Раҳимова, Маъсума Мелимуродова, Дарья Латишова, Сулаймон Улғунов, Абдурашид Баҳодиров, Беҳруз Муҳаммадалиев, Сирожидин Анваров ўз рақибларидан устун келишиб, Ўзбекистон чемпионлари бўлишди.

Саньшоуда эса Андижон, Жиззах, Қашқадарё, Наманган, Самарқанд вилоятлари ва Қорақалпоғистон Республикаси ҳамда Тошкент шаҳри яккама-якка жанг усталари совриндорлар сафидан ўрин олишди.

Айнан ушбу мусобақа Бразилияда ўтказиладиган ёшлар ўртасидаги жаҳон чемпионати ҳамда Индонезияда мезбонлик қиладиган Осиё ўйинлари олдидан ўзига хос тайёргарлик вазифасини ўтаганлиги билан аҳамиятлидир.