"Манчестер Сити" ПСЖ футболчиси учун 120 млн евро тайёрламоқда

"Fichajes"нинг хабар беришича, "шаҳарликлар" ПСЖ хавбеки Жоау Невеш учун 120 млн евролик трансферга тайёргарлик кўрмоқда. Жоау Невеш 2024 йилнинг ёзидан буён ПСЖ шарафини ҳимоя қилади. Португалиялик парижликлар сафида 63 расмий ўйин ўтказиб, 10 та гол урган ва 10 та голга ассистентлик қилган.

Эслатиб ўтамиз, Жоау Невеш 2025 йилги "Олтин тўп" учун сўровномада 19-ўринни эгаллаганди. У ўтган мавсум ПСЖ билан Лига 1, Франция Кубоги, Франция Суперкубоги ва Чемпионлар Лигасида ғолиб чиқди, кейин эса Португалия терма жамоаси билан Миллатлар Лигаси кубогини қўлга киритди.