"Манчестер Сити"га янги сардор тайинланди

Бу ҳақда жамоа бош мураббийи Пеп Гвардиола маълум қилди.

"Фаолиятимда илк бор сардорни ўзим танладим. Ўтган мавсумда юз берган воқеалар (Кайл Уокер сардор бўлган пайтда "Милан"га ўтган) менга ёқмади ва бу мавсумда жамоа номидан қарор қабул қилдим. Баъзан босс бўлишни хоҳлайман. Мен тўртта сардорни танладим ва клублар жаҳон чемпионати якунида яна бир ёки иккита сардорни танлайман.

[Эрлинг Холанд] ёш, лекин у сардор бўлиш нима эканини тушуна бошлаши керак, умид қиламанки, у бу ерда яна кўп йиллар қолади ва шу сабабдан эрта ёки кеч у бу вазифа учун биринчи номзод бўлади.

Сизда Бернарду, Рубен [Диаш], Родри ва Илкай [Гюндоган] каби ажойиб етакчилар бор. Жамоа сардорлари доимо жамоани, шерикларини, клубни биринчи ўринга қўйиши ва доим жамоа учун нима яхши эканини сўраши керак. Улар жамоа учун энг яхшисини аниқлаганда, хато қилмасликлари лозим.

Менимча, Бернарду кўп йиллар давомида биз учун футболчи бўлди. Ҳар доим қийин пайтларда у ўзини кўрсатиши кераклигини тушунган", – деди Гвардиола.