02 мар 13:50
Янгиликлар
Теннис
Мария Тимофеева BNP Paribas Open саралаши финалига чиқди
WTA 1000 тоифасига кирувчи, мукофот жамғармаси 9 миллион 415 минг 725 АҚШ долларини ташкил этувчи турнирда мамлакатимизнинг учинчи ракеткаси Мария Тимофеева ҳам муваффақиятли старт олди.
АҚШнинг Индиан-Уэллс шаҳри мезбонлик қилаётган нуфузли турнирнинг саралаш баҳсларида қатнашаётган вакиламиз 1/2 финалда нидерландиялик Сюзан Ламенсга қарши кортга чиқди. Етмиш тўққиз дақиқа давом этган учрашувда Тимофеева ортиқча қийинчиликсиз ғалаба қозонди - 6/2, 6/2.
Таққослаш учун, Мария айни пайтда WTA рейтингида 155-поғонадан жой олган. Саралашда 13-рақам остида таснифланган Ламенс эса дунёнинг 105-ракеткаси бўлиб турибди. Бу теннисчиларнинг ўзаро ўтказган илк учрашуви бўлди. Ҳар икки теннис маликаси ҳам баҳс давомида иккитадан эйс зарбасини амалга оширган.
Ҳавола :
Манба : olamsport.com
Фикрлар