Марказий стадионида "Олимпия куни"га бағишланган тадбир ўтказилди

Ушбу маросим вилоятда Олимпия ҳаракатини ривожлантириш, Олимпия турларини кенг тарғиб қилиш, ёшларни Олимпия спорт турларига жалб этиш, аҳоли ўртасида соғлом турмуш тарзини тарғиб қилиш ишлари самарадорлигини янада ошириш мақсадида ташкил этиляпти. 

Хабарингиз бор, 6 июль куни “Халқаро олимпия куни”га бағишлаб Республикамиз бўйлаб “Халқ сайли” умуммиллий спорт мусобақалари ташкил этилади. Хусусан, Қашқадарё вилоятида ҳам ана шундай бир қатор спорт байрамларининг ўтказилиши режалаштирилган бўлиб, дастлабкиси бугун "Насаф" клубига қарашли Марказий стадионда ўтказилди. 

“Халқ сайли” умуммиллий спорт мусобақаларининг очилиш маросими мусиқа садолари остида тадбир иштирокчиларнинг эрталабки бадантарбия машғулотларини бажаришдан бошланди. Шундан сўнг иштирокчилар томонидан олимпия халқаларини акс этувчи ўзига хос флешмоб ташкил этилди. Очилиш маросими оммавий марафон мусобақасига уланиб кетди. Ўтказилган тадбирларда 10 000 нафарга яқин аҳоли вакиллари, спортчилар иштирок этишди.

“Халқаро Олимпия куни” муносабати билан вилоятнинг барча туман (шаҳар)ларида “Сitius, Altius, Fortius”, “Олимпия сари йўл” шиорлари остида турли спорт мусобақалари, фестиваллар ўтказилмоқда.

Илҳом Раҳмонов тайёрлади