“Мастерс”. Муҳаммадкарим Ҳуррамов россиялик кучли рақибини мағлуб этди

-100 кг вазн тоифасида юртимиз шарафини ҳимоя қилаётган Муҳаммадкарим Ҳуррамов илк давра беллашувида россиялик Казбек Занкишиевга қарши баҳс олиб борди. Golden Score, яъни қўшимча дақиқаларда ғолиб аниқланган учрашувда Ҳуррамов кучли рақибини мағлуб этишга муваффақ бўлди. 

Маълумот учун, Казбек Занкишиев яқинда пойтахтимизда ўтган Тошкент Гран-при турнирида олтин медални қўлга киритган эди. Шу йилнинг ўзида у Тбилиси Гран-присида ҳам чемпион бўлган. Казбек шунингдек, жорий дзюдо мавсумида Боку “Катта Дубулға” турнирида кумуш медалга сазовор бўлганди. Бироздан сўнг Муҳаммадкарим иккинчи давра беллашувида голландиялик Мишель Коррелга қарши татамига чиқади.