Махачевнинг навбатдаги тарихий мақсади айтилди

"Ўйлайманки, бу ажойиб жанг бўлади. Йен Гэрри жиддий рақиб ва жангчи. Аммо Ислам ҳар доимгидек жангни партерга ўтказишга ҳаракат қилади. Агар у буни уддалай олса, устунлик унинг томонида бўлади. Агар Йен Гэрри жангни тик ҳолатда ушлаб тура олса, унда айнан у устунликка эга бўлади. Шундай экан, бизни жуда қизиқарли қарама-қаршилик кутмоқда.

Умуман олганда, Ислам кўникмалар тўплами бўйича рақибидан устун туради, чунки у универсалроқдир. У ҳамма нарсани бажара олади, айниқса кураш ва грепплинг ҳақида гап кетганда. Бу компонентда унинг яққол устунлиги бор ва менимча, у айнан шунга эътибор қаратади", - деди афсонавий канадалик собиқ UFC чемпиони.

Агар Махачев чемпионлик камарини муваффақиятли ҳимоя қилса, у кетма-кет ўн еттинчи ғалабасини қўлга киритади ва ташкилотнинг энг узоқ ғалабалар серияси бўйича рекордчисига айланади. Бироқ Сент-Пьеррнинг фикрича, россиялик яна бир тарихий ютуққа эришиши мумкин.

"Эҳтимол, вақт ўтиши билан у ўрта вазн тоифасига кўтарилиб, учта дивизионда UFC чемпионлари клубини очишга уриниб кўради", - дея қўшимча қилди афсона.

Эслатиб ўтамиз, Ислам Махачев ва Йен Мачадо Гэрри ўртасидаги чемпионлик жанги 15 август куни Филадельфияда ўтказиладиган UFC 330 турнирининг асосий воқеаси бўлади.