Майами мэри Мессига шаҳар калитини топширди

Бу билан шаҳар ҳокими аргентиналик футболчининг футбол ривожига ва Майамини тарғиб қилишга қўшган ҳиссасини эътироф этди.

"Мен ушбу калитни шаҳримиз, мамлакатимиз ва бутун футбол олами учун қилган барча ишларингиз учун топширмоқчиман. Сизга раҳмат!", – деди Суарес.

Месси 2023 йил июль ойидан бери "Интер Майами"да ўйнаб келмоқда. Бу вақт ичида 84 ўйинда майдонга тушиб, 74 та гол урди ва 37 та голли узатма берди.

38 ёшли аргентиналик футболчи саккизта "Олтин тўп", Жаҳон чемпионати, Америка Кубоги ва тўрт марта Чемпионлар Лигаси чемпионлигини қўлга киритди.

Аввалроқ Месси фаолияти шу даражада бўлиши учун ҳаётида кўп нарсаларни қурбон қилганини айтган эди.