Медеведев Қозоғистондаги турнирда муваффақиятли старт олди

Дунёнинг 14-ракеткаси бўлиб турган Даниил Медведев мусобақадаги иштирокини қийин ғалаба билан бошлади. Россиялик теннисчи тўғридан-тўғри иккинчи даврадан баҳсларга киришди ва бу босқичда ATP рейтингида 76-поғонада бораётган австралиялик Адам Уолтонни қийинчилик билан мағлубиятга учратди - 7/5, 7/6(0).

Иккинчи сетда Даниил 1/4 ҳисобида ютқазаётганди. У ғалабаси эвазига теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. Бир соату 45 дақиқа давом этган баҳсда Медведев 13, Уолтон 6 та эйс зарбасини амалга оширган. Энди Медведев 1/4 финалда венгриялик Фабиан Марожанга қарши кортга чиқади.