18 окт 13:38
Янгиликлар

Теннис

Медведев Қозоғистондаги турнирда 1/2 финалга чиқди

Қозоғистоннинг Олма-Ота шаҳрида теннис бўйича ATP 250 тоифасига кирувчи турнир давом этмоқда.

Дунёнинг 14-ракеткаси Даниил Медведев 1/4 финалда ATP рейтингида 52-ўринни эгаллаб турган венгриялик Фабиан Марожанни 7/5, 6/2 ҳисобида мағлубиятга учратди. Бу теннисчиларнинг ўзаро ўтказган иккинчи учрашуви эди - 2:0.

Олтмиш етти дақиқа давом этган баҳсда Медведев 9, Марожан 2 та эйс зарбасини амалга оширди. Бугун россиялик теннисчи финал чиптаси учун австралиялик Жеймс Даквортга қарши кортга чиқади.