26 июл 11:39
Янгиликлар

Теннис

Медведев Вашингтон турнири 1/4 финалидаёқ ютқазди

Дунёнинг 14-ракеткаси бўлиб турган Даниил Медведев АҚШ пойтахти Вашингтон шаҳрида ўтказилаётган ATP турниридаги иштирокини якунлади.

Россиялик теннисчи бироз кутилмаганда 1/4 финалда ATP рейтингида 59-ўринни эгаллаб турган франциялик Корентен Мутега уч сет натижасига кўра имкониятни бой бериб қўйди - 6/1, 4/6, 4/6.

Муте теннисчиларнинг ўзаро учрашувлари ҳисобида олдинга чиқиб олди - 2:1. Медведев 7, Муте 4 та эйс зарбасини амалга оширган. Даниил 10 та қўшхатога йўл қўйди ва бу амалда унинг мағлубиятига сабаб бўлди. Иккала теннисчи ҳам 3 тадан брейкка эришган.