“Милан” ва “Ювентус” ўзаро футболчи алмашиши мумкин

“Ювентус” клуби раҳбарияти “Милан” ҳимоячиси Де Шильонинг хизматларига қизиқиб қолганди. Туринликлар Де Шильони сотиб олиш ҳуқуқи билан ижарага олишни режалаштиришган.

“Кекса Синьоралар” “Милан”га Шильонинг ижараси учун 5 миллион евро ва сотиб олишни истаса, унда кейин яна 15 миллион евро қўшишни таклиф қилишганди. Аммо “россонерилар” ушбу таклифга рад жавобини беришди.

“Милан” эндиликда “Ювентус” ҳужумчиси Симоне Дзадзани сотиб олишни истамоқда. Турин клуби эса ҳужумчини 25 миллион евродан камига сотмоқчи эмас. Агар томонлар келиша олишса, Де Шильо ҳамда Симоне Дзадза ўз клубларини алмаштиришади.