Миллионер хонимлар! 2023 ҳамда 2024 йилнинг ортда қолган 3 ойида ким қанча пул ишлаб олди

Американинг Politico нашри ҳисоб-китобларига кўра 2023 йил якунлари бўйича энг кўп пулни Кори Гофф ишлаб олган. Америкалик қора танли теннисчи бир йил мобайнида корт ва унинг ташқарисида ҳаммадан кўп маблағ ишлаб топди. Эндигина 20 ёшга тўлган Гофф $6,7 млн мукофот пули, $16 млн доллар рекламадан даромад кўрган. Атланталик теннисчининг 2023 йилги соф даромади $22,7 млн долларни ташкил қилмоқда.

Қозоғистоннинг биринчи рақамли теннис маликаси Елена Рибакина ушбу рўйхатда 6-ўринни эгаллади. У 2023 йилда умумий $9,5 млн доллар пул ишлаган. Теннисдаги фаолиятидан — $5,5 млн, рекламадан эса $4 млн доллар ишлаб олган. Уимблдон-2022 ғолибаси катта бозорда Yonex, Red Bull ва Bank RBK брендларини реклама қилади.

Кучли бешликдан дунёнинг биринчи ракеткаси, польшалик Ига Свёнтек — $21,9 млн (9,9+12), британиялик Эмма Радукану — $16,2 млн (0,2+16), япониялика Наоми Осака — $15 млн (0+15), беларуслик Арина Соболенко — $12,2 млн (8,2+4) доллар даромад билан жой олган.

2024 йилнинг ортда қолган уч ойида эса Ига Свёнтек ҳаммадан кўп пул ишлаб топган. Польшаликнинг мукофот пулларидан ишлаб топган даромади 2,58 млн долларни ташкил қилмоқда. 

WTA турнирлари мукофот пулларидан 2024 йилда ким қанча ишлаб топди Топ-10:

1. Ига Свентек (Польша) — 2,58 млн

2. Арина Соболенко (Беларусь) — 2,4 млн

3. Чжэн Циньвэнь (Хитой) — 1,54 млн

4. Елена Рибакина (Қозоғистон) — 1,47 млн

5. Мария Саккари (Греция) — 1,31 млн

6. Кори Гофф (АҚШ) — 1,25 млн

7. Жасмин Паолини (Италия) — 1,19 млн

8. Анна Калинская (Россия) — 0,94 млн

9. Марта Костюк (Украина) — 0,89 млн

10. Элизе Мертенс (Бельгия) — 0,87 млн.