Monte-Carlo Masters. Циципас якунига етмай қолган учрашув ғолиби сифатида 2-даврага йўл оди

Дунёнинг 12-ракеткаси Стефанос Циципас илк даврада ATP рейтингида 34-ўринни эгаллаб турган сербиялик Ласло Джерега қарши кортга чиқди. Биринчи сет 6/3 ҳисобида грециялик теннисчи фойдасига ҳал бўлди. Иккинчи сетнинг бешинчи геймидан кейин Ласло баҳсни давом эттира олмаслигини маълум қилди. 

Теннисчиларнинг ўзаро учрашувларидаги мутлақ устунлик Циципас томонда - 5:0. Cтефаноснинг иккинчи даврадаги рақиби бугун ўтказиладиган чилилик Николас Харри ва аргентиналик Томас Мартин Этчеверри учрашувидан сўнг аниқланади.

Якунига етмай қолган учрашув статистикаси:

Стефанос Циципас - 3 та эйс, 2 та қўшхато, 3 та брейк

Ласло Джере - 2 та эйс, 1 та қўшхато, 1 та брейк