10 апр 11:01
Янгиликлар

Теннис

Monte-Carlo Masters. Карлос Алькараз грунтдаги 100-учрашувини ўтказди

Теглар : Monte-Carlo Masters Карлос Алькараз

Монте-Карло Князлигида давом этаётган теннис бўйича "Мастерс" сериясига кирувчи турнирда учинчи давра иштирокчилари маълум бўлди.

Дунёнинг учинчи ракеткаси Карлос Алькараз иккинчи давра баҳсида рейтингнинг 22-поғонасидан жой олган аргентиналик Франсиско Серундолони уч сет натижасига кўра мағлубиятга учратди - 3/6, 6/0, 6/1.

Испаниялик теннисчи ўзаро учрашувларда ҳам олдинда бормоқда - 3:1. Бир соату 39 дақиқа давом этган баҳсда Алькараз 1, Серундоло 2 та эйс зарбасини амалга оширган. Брейклар бўйича устунлик Карлос томонида бўлди - 6 га 2.

Эътиборлиси, Алькараз грунт қопламали турнирлардаги ўзининг юбилей 100-учрашувини ўтказди ва 82-ғалабасини тантана қилди. Унинг кейинги рақиби саралаш турниридан асосий тўрга йўлланма олган германиялик Даниэль Альтмайер бўлади.