16 апр 14:41
Янгиликлар

Теннис

Монте-Карло "Мастерс". Хольгер Руне иккинчи финалчи!

Дунёнинг тўққизинчи ракеткаси Хольгер Руне Монте-Карло "Мастерс" турнирининг иккинчи финалчисига айланди.

Даниялик теннис устаси 2 соату 46 дақиқа давом этган 1/2 финал учрашувида ATP рейтингида ўзидан бир поғона юқорида бораётган италиялик Янник Синнерани мағлубиятга учратди - 1/6, 7/5, 7/5.

Руне теннисчиларнинг ўзаро иккинчи учрашувида ҳам ғалаба қозонди. Хольгер 4 та эйс, 5 та қўшхато, 3 та брейкни амалга оширди. Даниялик фаолиятида иккинчи бор "Мастерс" турнирлари финалида ўйнайди. Ўтган йили у Париж "Мастерс" турнирида бош совринни қўлга киритганди. Бугун у россиялик Андрей Рублёвга қарши кортга чиқади.