18 мар 07:41
Янгиликлар

Дзюдо

МОҚ раиси ўринбосари Актау турнири иштирокчилари билан учрашди ФОТОГАЛЕРЕЯ

Хабарингиз бор, 13-14 март кунлари Қозоғистоннинг Актау шаҳрида дзюдо бўйича катталар ўртасида Осиё очиқ кубоги ўтказилган эди.

Ушбу мусобақада иштирок этган Ўзбекистон терма жамоаси якунда 1 та олтин, 1 та кумуш, 6 та бронза медалини қўлга киритганди. Бугун Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов Актау турнири иштирокчилари билан учрашди.

Азизжон Якубжанович дзюдочилардан натижаларни янада яхшилаш, мураббийлардан мусобақа давомида йўл қўйилган хато ва камчиликларни машғулотларда бартараф этиш чораларини қўллашларини сўради.