МОҚ раиси ўринбосари Олимпиадага йўл олаётган дзюдочилар билан учрашди + ФОТОГАЛЕРЕЯ

Самимий мулоқот асносида ўтган учрашувда Олимпия ўйинларигача бўлган машаққатли йўл, тинимсиз машғулотлар, мусобақалардаги иштирок ҳақида сўз бориб, энди меҳнатнинг самарасини оладиган фурсат етиб келгани алоҳида урғуланди. 

Дзюдочиларнинг ўзлари ҳам олдиларида қандай нуфузли мусобақа кутиб турганини жуда яхши ҳис этишмоқда. Азизжон Камилов Олимпиада лицензиясини қўлга киритган ҳар бир дзюдочи билан алоҳида суҳбатлашди. Учрашув якунида делегациямиз аъзоларига оқ фотиҳа берилди. 

Режа бўйича терма жамоамиз эртага, 14 июль куни Францияга жўнаб кетади. Олимпиадага тайёргарликнинг сўнгги босқичи Нормандия региони Кодбек-лез-Элбёф шаҳарчасида бўлиб ўтади. 

Маълумот учун, Ўзбекистон дзюдо терма жамоаси Париж-2024 Олимпиадасига 13 та лицензия қўлга киритган. Ўн икки нафар (7 эркак, 5 аёл) дзюдочи яккалик баҳсларида иштирок этади, шунингдек, аралаш жамоавий беллашувларда ҳам медаллар учун кураш олиб борамиз.