30 июн 19:05
Янгиликлар

Дзюдо

МОҚ раиси ўринбосари Улан-Батор турнири иштирокчилари билан суҳбатлашди + ФОТО

Хабарингиз бор, Ўзбекистон терма жамоаси 22-24 июнь кунлари Мўғулистон пойтахти Улан-Батор шаҳрида ўтказилган "Катта Дубулға" турнирида иштирок этган эди.

Ҳамюртларимиздан Диёра Келдиёрова олтин, Давлат Бобонов кумуш, Гулноза Матниязова ва Обидхон Номонов бронза медалини қўлга киритганди. Куни кеча Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов Улан-Батор турнири иштирокчилари билан учрашди.

"Ғалаба ҳам, мағлубият ҳам ўзимизники. Йўл қўйилган камчилик ва хатолардан тўғри хулоса чиқариш керак. Хатога йўл қўйишдан эмас, уни қайта-қайта такрорлашдан ҳимояланиш лозим. Биз ҳозир сизлар билан мусобақадаги иштирокингизни муҳокама қиляпмиз. Бу ишни ҳар бир дзюдочи ўзига ўзи савол бериш орқали амалга ошириши шарт. Шунда ўсиш бўлади", - деди А.Камилов.