25 мар 17:31
Янгиликлар

Дзюдо

МОҚ вице-президенти дзюдочиларимиз учун яратилган шароит билан танишди ФОТОГАЛЕРЕЯ

Хабар берганимиздек, шу кунларда дзюдо бўйича Ўзбекистон катталар терма жамоаси "Ҳумсон" соғломлаштириш мажмуасида ўқув-машғулот йиғинини ўтказяпти.

Ўзбекистон Миллий олимпия қўмитаси вице-президенти, Ўзбекистон дзюдо федерацияси раиси Азизжон Камилов пойтахт вилоятининг тоғли ҳудудидаги ушбу сўлим гўшада ташкил этилаётган машғулотларни кузатди. Азизжон Якубжановичга сафар давомида Миллий олимпия қўмитаси қошида фаолият юритаётган Тезкор штаб раҳбари Шерзод Тошматов ҳамроҳлик қилди.

Улар машғулот зали, сауна, ошхона, умуман дзюдочиларимизга яратилган шароитлар билан яқиндан танишишди. Номлари тилга олинган жойлар мутахассислар томонидан тўлиқ дезинфекция қилинган. Дзюдочилар шифокорлар назоратида.

Гарчи, Токио-2020 Олимпиадаси келаси йилга кўчирилган бўлса-да, бу ҳолат терма жамоамиз аъзоларининг кайфиятига салбий таъсир ўтказгани йўқ. Улар машғулотларда астойдил меҳнат қилишяпти.