UZ

Сўнгги янгиликлар

19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0

19 сен 18:56
Янгиликлар

Дзюдо

МОҚда Тошкент Гран-приси олдидан матбуот анжумани ўтказилди

Хабар берганимиздек, 20-22 сентябрь кунлари пойтахтимизда дзюдо бўйича Гран-при ҳамда 23-24 сентябрь кунлари парадзюдо бўйича IBSA Гран-при мусобақалари бўлиб ўтади.

Ушбу икки нуфузли мусобақага кўп тармоқли “Ҳумо Арена” муз саройи мезбонлик қилади. Бугун Ўзбекистон миллий олимпия қўмитасида мусобақалар олдидан матбуот анжумани ташкил этилди. 

Унда МОҚ вице-президенти, Ўзбекистон дзюдо федерацияси раиси Азизжон Камилов, Ўзбекистон миллий Паралимпия ассоциацияси раҳбари Мухторхон Тошходжаев, дзюдо бўйича миллий терма жамоа бош мураббийи Фарҳод Тўраев, парадзюдо бўйича терма жамоа устози Шамсиддин Сайидов, терма жамоамизнинг етакчи спортчилари ҳамда ОАВ ходимлари иштирок этди.

Тошкент Гран-приси Токио-2020 Олимпиадасига қимматли рейтинг очколарини тақдим этади. Шу боис ҳам мусобақага бўлган қизиқиш ҳар қачонгидан юқори. Бу сафарги мусобақада дунёнинг 70 дан ортиқ давлатидан сара дзюдочилар ғолиблик учун беллашади. Бу галги Тошкент Гран-присининг яна бир аҳамиятли жиҳати, у илк маротаба муҳташам, халқаро талабларга тўла жавоб берадиган муҳташам “Ҳумо Арена” муз саройида ташкил этилмоқда. Ўзбекистон дзюдо федерацияси раҳбари бу жиҳатга ҳам алоҳида эътибор қаратди.

“Аввало, Тошкент Гран-присининг илк маротаба “Ҳумо Арена” мажмуасида ўтказилиши учун шароит яратиб берган муҳтарам Президентимизга чексиз миннатдорлик билдирмоқчиман. Барчамиз катта спорт тадбири арафасида турибмиз. Умид қиламан, олиб борилган тайёргарликларимиз натижаси ушбу мусобақада намоён бўлади. Бизда ҳар бир вазн тоифасида жуда кучли рақобат бор ва номзодларни танлаб олишда ҳам қатор истиқболли режаларни ишлаб чиқдик. 

Масалан, Гран-прига ёшлар ва ўсмирлар терма жамоасидан ҳам номзодлар жалб қилинган. Бу эса уларни келажакда катта мусобақалар ҳавосини олишида муҳим аҳамият касб этади. Тошкент Гран-приси ғолиби 700 рейтинг очкосига эга бўлади. Кумуш медаль соҳиблари 490, бронза медали эгалари эса 350 рейтинг очкосини қўлга киритади. Токио-2020 олимпиадасига рейтинг очколарини йиғиш тўхтатиладиган муддатгача, яъни келгуси йилнинг май ойи охирига қадар 13 та мана шундай рейтинг турнирларида қатнашишни режалаштирганмиз”, – деди Азизжон Камилов.


Яна бир гап, мамлакат дзюдо федерацияси раҳбарининг таъкидлашича, яқинда бўлиб ўтган жаҳон чемпионати беллашувлари ва унда полвонларимизнинг иштироки машғулотлар жараёнидаги камчиликларни кўрсатиб берди. Шу боис айни пайтда федерация раҳбарияти Ўзбекистон терма жамоаси бош мураббийлигига хориждан, катта эҳтимол билан япон мутахассисини жалб этиш борасида амалий ҳаракатларни бошлаб юборган.

А.Камиловнинг фикрига кўра, охирги 2-3 йилда бир қатор давлатлар, хусусан қўшни Қирғизистон дзюдо спортида сезиларли муваффақиятларга эришди. Уларнинг бу ютуқларида мамлакат терма жамоаларида япон мутахассислари фаолият олиб боришаётгани муҳим фактор вазифасини ўтаб бермоқда. Шуларни инобатга олган ҳолда Ўзбекистон дзюдо терма жамоасига ҳам катта эҳтимол билан хорижлик мутахассис жалб этилади.

23-24 сентябрь кунлари ўтказиладиган парадзюдо бўйича IBSA Гран-присида ҳам терма жамоамиз энг кучли таркиб билан иштирок этади. Ўзбекистон миллий паралимпия ассоциацияси раҳбари Мухторхон Тошходжаевнинг маълум қилишича, мусобақада шу кунга қадар дунёнинг 35 давлатидан 200 нафардан ортиқ спортчи қатнашиш истагини билдирган. Унда эркакларимиз 7, аёллар эса 6та вазн тоифасида ўзаро беллашади.

Ташкилотчилар томонидан мухлисларга қулайлик яратиш мақсадида Гран-при мусобақаларига кириш бепул қилиб белгиланган. Мусобақаларнинг тантанали очилиш маросими эса 21 сентябрь куни соат 16:00да бошланади.

Суратлар муаллифи - Жаҳонгир Файзуллаев

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг