26 фев 17:10
Янгиликлар

Бокс/ММА

Мовсар Евлоев Брайан Ортегага "вызов" ташлади

Ярименгил вазн тоифаси UFC рейтингида бешинчи ўринни эгаллаб турган Мовсар Евлоев кейинги жангини Брайан Ортегага қарши ўтказмоқчи.

Брайан чемпионлик камари учун собиқ даъвогар ҳисобланади. Ортега жароҳати сабаб узоқ муддат октагондан ташқарида бўлганди. У кеча октагонга қайтди ва двизионнинг собиқ вақтинчалик чемпиони Яир Родригесни муддатидан аввал мағлубиятга учратди.

"Мен Брайан Ортегага қарши жанг ўтказмоқчиман. Ғолиб камар учун даъвогар бўлишини истайман", - деди россиялик аралаш яккакураш устаси Евлоев.

Мехикода ўтган UFC Fight Night 237 турнирига қадар Яир Родригес рейтингда учинчи, Ортега эса тўртинчи ўринни эгаллаб турганди. Мовсар Евлоев эса мағлубият нималигини билмай келяпти. У ўтган ойда британиялик Арнольд Алленни мағлуб этиб, UFC`даги саккизинчи ғалабасини тантана қилганди.