23 фев 14:34
Янгиликлар

Дзюдо

Муҳаммадкарим Ҳуррамов бугунги иштирокимизни иппон билан бошлаб берди

Хабар берганимиздек, бугун Германиянинг Дюссельдорф шаҳри мезбонлигида ўтаётган "Катта Дубулға" туркумига кирувчи нуфузли турнир якунланади.

Мусобақанинг сўнгги учинчи куни оғир вазнли дзюдочилар медаллар йўлида татамига чиқишади. Улар орасида беш нафар дзюдочимиз ҳам ўз маҳоратини намойиш этади. Ҳамюртларимизнинг иштирокини Муҳаммадкарим Ҳуррамов бошлаб берди.

-100 кг вазн тоифасида юртимиз шарафини ҳимоя қилаётган полвонимиз илк даврада франциялик Седрич Оливарга қарши баҳс олиб борди ва рақибини, иппон, яъни соф ғалаба эвазига мағлубиятга учратди. Энди Ҳуррамов иккинчи босқичда латвиялик Евгениюс Бородавкога қарши татамига чиқади.