Музетти фаолиятида илк бор "Мастерс" 1/2 финалига чиқди

Италиялик теннисчи 1/4 финал баҳсида дуёнинг 8-ракеткаси грециялик Стефанос Циципасни 1/6, 6/3, 6/4 ҳисобида мағлубиятга учратди. Музетти ўзаро бешинчи учрашувга келибгина Циципасдан устун келди - 1:4. 

Икки соату 23 дақиқа давом этган учрашувда иккала теннисчи ҳам биттадан эйс зарбасини амалга оширган. Музетти 1, Циципас 7 та қўшхатога йўл қўйди. Брейклар бўйича тенглик кузатилди - 3 тадан! Энди Музетти финал чиптаси учун австралиялик Алекс Де Минаурга қарши кортга чиқади.