01 мар 11:45
Янгиликлар

Теннис

Надаль Акапулькода фаолиятидаги 85-совринини қўлга киритди

Мексиканинг Акапулько шаҳрида нуфузли АТP мусобақаси якунланди.

Ҳал қилувчи финал баҳсида сайёрамизнинг иккинчи рақамли теннисчиси Рафаэль Надаль АҚШ вакили Тейлор Фритцга қарши кортга чиқди.

Бир соату 15 дақиқа давом этган учрашувда 33 яшар Рафа рейтингнинг 35-поғонасини эгаллаб турган 22 ёшли рақибини 6:3, 6:2 ҳисобларида таслим этиб, бош совринга эга чиқди.

Бу Надалнинг фаолиятидаги 85-соврин бўлди. Abierto Mexicano Telcel турниридаги муваффақиятли иштирок испаниялик афсонага 372,785 доллар мукофот пули ҳамда 500 рейтинг очкосини тақдим этди.