Икки нафар Ўзбекистон чемпиони АҚШда машғулот ўтказаётган Муроджон Аҳмадалиев ва Бектемир Мелиқўзиев сафига қўшилди (ФОТО)

Профессионал боксчиларимиз — иккинчи энг енгил вазн тоифасидаги собиқ жаҳон чемпиони Муроджон Аҳмадалиев ҳамда супер ўрта вазн тоифасида WBA камари учун мажбурий даъвогар бўлиб турган Бектемир Мелиқўзиев АҚШнинг Калифорния штати, Индио шаҳрида ака-ука Диаслар қўл остида шуғулланишаётганди.

Улар сафига яна икки чарм қўлқоп усталаримиз — Жаҳонгир Зокиров ва Раҳматулло Бойматов бориб қўшилди. Ҳар икки боксчи жорий йилги мамлакат биринчилигида иштирок этиб, ўз вазн тоифаларида олтин медалларга эга чиқишган эди.

Маълумот учун, Бектемир Мелиқўзиев 21 февраль куни проф боксдаги кейинги жангини ўтказади.