Надаль ATP Якуний турнирини мағлубият билан бошлади

Дунё рейтингида кучли саккизталикда бораётган ракетка усталари иштирокида ўтаётган турнирнинг гуруҳ босқич илк туридаёқ кутилмаган натижа қайд этилди. "Яшил гуруҳ" вакили Рафаэль Надаль мағлубият аламини тотиб кўрди. 

Дунёнинг иккинчи ракеткаси бўлиб турган испаниялик теннисчи рейтингнинг саккизинчи поғонасидан жой олган америкалик Тэйлор Фритцга 6/7(3), 1/6 ҳисобида имкониятни бой бериб қўйди. Бу теннисчиларнинг ўзаро тўртинчи учрашуви эди - 2:2. 

Тўқсон тўққиз дақиқа давом этган баҳсда Надаль 7, Фритц эса 8 та эйс зарбани ижро этди. Қўшхатолар Надалда кўпроқ бўлди 4 га 1. Рафа биронта ҳам брейкни амалга ошира олмади.