17 сен 09:46
Янгиликлар

Теннис

Надаль Рим "Мастерс" турнирида кортга чиқди

Италия пойтахти Рим шаҳрида теннис бўйича "Мастерс" сериясига кирувчи нуфузли турнир бўлиб ўтмоқда.

Сайёрамизнинг иккинчи ракеткаси Рафаэль Надаль мусобақадаги иштирокини бошлади. Испаниялик теннис афсонаси иккинчи даврада рейтингнинг 18-поғонасидан жой олган ватандоши Пабло Карреньо-Бустага қарши баҳс олиб борди.

Надаль 1 соату 13 дақиқа давом этган учрашувда ҳамюртига ҳеч қандай имконият қолдирмади - 6/1, 6/1. Ўзаро учрашувларда 34 ёшли Рафаэль ҳисобни янада йириклаштирди - 6:0. Энди Надаль Internazionali BNL d'Italia турнирининг учинчи босқичида канадалик Милош ёки сербиялик Душан Лайовичга қарши кортга чиқади.