Надаль ва Рууд Мехикода кўргазмали учрашув ўтказишди

Унда дунёнинг иккинчи ракеткаси Рафаэль Надаль рейтингда ўзидан бир поғона қуйида бораётган Каспер Руудга қарши кортга чиқди. Испаниялик теннис юлдузи ушбу баҳсда 7/6(7), 6/4 ҳисобида ғалаба қозонди.

Бу уларнинг Лотин Америкаси турнеси доирасидаги сўнгги учрашувлари бўлди. Мехикога қадар Надаль ва Рууд Аргентинанинг Буэнос-Айрес, Бразилиянинг Белу-Оризонти, Эквадорнинг Кито ҳамда Колумбиянинг Богота шаҳарларида ҳам худди шундай кўргазмали учрашувларда ўзаро тўқнаш келишганди.